उन्नती सोशल फाऊंडेशन

वेगाने विकसित होणारे शहर म्हणून पिंपरी चिंचवड चालौकिक सबंध भारतात आहे पिंपरी चिंचवड विविध अंगी विस्तारले त्यामध्ये प्रामुख्याने पिंपरी चिंचवडची औद्योगिक, आर्थिक शैक्षणिक वृद्धी ही नियोजन बद्ध रित्या झाली आहे. शहर वाढले तसे, लोकसंख्या देखील गेल्या १५ वर्षांच्या कालावधी मध्ये प्रचंड प्रमाणात वाढली. आपण समाजाचे काहीतरी देणे लागतो. या उद्देशाने उद्योजक तथा पिंपळे सौदागर चे भूमिपुत्र असलेल्या श्री संजय तात्याबा भिसे यांनी दि.२४ मे २०१८ यांनी उन्नती सोशल फाऊंडेशन स्थापन केले. समाजाच्या सर्वांगीण उन्नती साठी कटीबद्धता ठेवून उन्नती सोशल फाऊंडेशन पिंपळे सौदागर आणि पिंपरी चिंचवड परिसरात कार्यरत आहे.
आज मितीला , श्री संजय भिसे यांच्या सुविद्य पत्नी तथा उन्नती सोशल फाऊंडेशन च्या अध्यक्षा डॉ. कुंदाताई संजय भिसे यांच्या सक्षम नेतृत्वाखाली उन्नती सोशल फाऊंडेशन सध्या जोमाने कार्यरत आहे.

उन्नती सोशल फाऊंडेशन तर्फे वर्षभर राबविण्यात येणारे काही प्रमुख उपक्रम -

• दिव्यांग वधू-वरांसाठी मोफत सामुदायिक विवाह सोहळा
• पिंपळे सौदागर मधील सोसायटी धारकांसाठी मोफत बोअरवेल सुविधा.
• तत्कालीन राज्यपाल भगतसिंग कोश्यारी यांच्या हस्ते कोरोना योद्धा पुरस्काराने यांना सन्मानित करण्यात आले.
• पवना माई स्वछता अभियान
• पाणी फाऊंडेशनशी संलग्न राहून जलसंधारण सासवड येथे मोहीम
• अण्णासाहेब मगर विद्यालयातील विद्यार्थी आणि पालकांचा मोफत विमा काढण्यात आला.
• कोरोना काळात जेष्ठ नागरिकांसाठी मोफत बूस्टर डोस पुरविण्यात आले.
• फाऊंडेशन तर्फे पिंपळे सौदागर येथे ८ ठिकाणी पूर्णवेळ पाणपोई कार्यान्वित झाली आहे.
• पिंपळे सौदागर आणि परिसरातील रहिवासी सोसायटी आणि कॉलनी यांमध्ये मोफत सौरदिवे बसविण्यात आले.
• स्थापनेपासूनच पिंपरी चिंचवडकारांसाठी स्वरामृत दिवाळी पहाटचे आयोजन करण्यात येते.
• उन्नती सोशल फाऊंडेशन तर्फे पूर्ववेळ मोफत वाचनालय सेवा उपलब्ध आहे. १०,००० हुन अधिक पुस्तके उपलब्ध.
• परिसरातील नागरिकांच्या सोयीसाठी उन्नती सोशल फाऊंडेशन तर्फे मोफत ई-व्हेईकल चार्जिंग स्टेशन कार्यान्वित आहे.
• नवरात्री मध्ये गरजू ०९ मुलींना नवदुर्गेच्या रुपात पूज्य मानून दत्तक घेण्यात आले आणि त्यांच्या शिक्षणाचा खर्च उचलण्यात आला.
• नागरिकांसाठी योग शिबीर आयोजन
• संस्कारक्षम तरुण पिढी साठी व्याख्यानमाला आयोजित केले जाते.
• लहान मुलांना भारतीय संस्कृतीची गोडी निर्माण व्हावी या साठी पतंग बनवा कार्यशाळा तसेच, शिवविचारांची ज्योत अंगी पेटावी म्हणून, किल्ले बनवा स्पर्धा आयोजित केली जाते.
• उन्न 'ती ' चा गणेशोत्सव सामाजिक दृष्टीने वंचित घटकांना गणेशोत्सवाच्या मुख्य प्रवाहात सामील करून घेतले जाते. त्यामध्ये, मुख्यत्वे विधवा महिला, तृतीयपंथी व्यक्तींना आरतीचा मान दिला जातो.
• तिरंगा सन्मान रॅली व मॅरेथॉन
• वृक्षारोपण
• रक्तदान शिबिर
• महाआरोग्य शिबीर
• विविध सरकारी योजना यांची माहिती जनतेपर्यंत पोहोचविणे.
• सर्व वयोगटातील नागरिकांसाठी आरोग्य शिबिरे यांचे आयोजन
• लहान बालकांच्या सुदृढ आरोग्यासाठी मोफत सुवर्णप्राशन संस्कार शिबिराचे आयोजन
• पर्यावरण पूरक नववर्षाच्या स्वागतासाठी नागरिकांना दरवर्षी १ जानेवारी रोजी , रोपांचे वाटप करण्यात येते.
• रोजच्या धकाधकीच्या जीवनातील व्यस्ततेतून पिंपळे सौदागर मधील नागरिकांना विरंगुळा मिळावा तसेच त्यांची शारीरिक सुदृढता राहावी यासाठी क्रिकेट स्पर्धांचे आयोजन करण्यात येते.
• उन्नती सोशल फाउंडेशन कार्यालयात प्रत्येक महापुरुषांची जयंती तथा पुण्यतिथी मोठ्या उत्साहात साजरी करण्यात येते यानिमित्ताने विविध विषयांवरील प्रेरणादायी व्याख्यानांचे देखील आयोजन करण्यात येते